श्री विजया माध्यमिक विद्यालय दुल्लु नगरपालिका ०७ खलीचाखा दैलेखमा जनतासंग नगर प्रमुख कार्यक्रम भव्य रुपमा सम्पन्न भएको छ । सो कार्यक्रममा सहभागी वि.व्य. स. अध्यक्ष श्री लालबहादुर रावतको अध्यक्षता, नगरप्रमुख श्री भरतप्रसाद रिजाल को प्रमुख आतिथ्यता, उपप्रमुख विना कार्की को विशेष आतिथ्यता, वरिष्ठ शिक्षा अधिकृत श्री विकासजंग शाही , शैक्षेणिक श्रोत व्यक्ति श्री रमेशप्रसाद उपाध्याय, नगरप्रमुख सचिवालय प्रमुख श्री दुर्गा लम्साल , विद्यालय प्रधानाध्यापक श्री केशवबहादुर भण्डारी, वि.व्य.स पदाधिकारीहरु, विद्यालयका शिक्षक र कर्मचारीहरु लगायत विद्यार्थीहरूको सहभागिता थियो । सो कार्यक्रममा गरीब तथा जेहेल्दार विद्यार्थीहरुलाई झोला तथा ड्रेस र अतिरिक्त क्रियाकलापमा सहभागीहरुलाई पुरस्कार वितरण गर्ने कार्यक्रम रहेको थियो। उक्त कार्यक्रममा सहयोग गर्ने दुल्लु नगरपालिकालाई हार्दिक धन्यवाद दिन चाहन्छौं । साथै आगामी दिनमा पनि सहयोगको अपेक्षा गर्दछौँ ।